Teri moorti ko dekhaa to aisaa lagaa…

Jaise karunaa kaa roop, jaise snehal swaroop
Jaise shakti kaa poonj, jaise praarthanaa ki goonj
Jaise bhakto kaa swaas, jaise niraasho ki aas
Jaise kadakti dhoop me, mamtaa ki chaav…

Dekhi saadhutaa ajod, liye jivan me mod
Dekhaa dinataa kaa bhaav, dekhaa saral svabhaav
Dekhaa mohak roop, jaise Shriji ka swaroop
Tum ho nirsodhbuddhi ke maharaajaa...

Sevak sevako kaa, masihaa beheno kaa
Jaise kraanti kaa vir, jaise ramtaa fakir
Akshay tej kaa poonj, teri anokhi hi suj
Kare jatil samasyaa kaa, pal me upaay...

Jaise maitri kaa paigaam, Yogiji kaa bhaktigaan
Sahajanandi chetnaa, har le man ki vednaa
Mahimaa teri apaar, karne chaitnaya kaa vyaapaar
Ayaa anirdesh kaa shaahi, saudaagar...

Tu hai divyaataa kaa dhodh, man ke taale avrodh
Kaif aur masti amaap, akhand dhun aur jaap
Chale pravaah ke virudh, chede mayaa se jang
Dekar khuli tu chunauti shoorviur yodhaa...

Anant gnaan kaa to shrot, bhakto me tu othprot
Anoopam aatmiyataa, sarvadeshiyataa
Kartaa prabhu kaa hi kaaj, kar le mere dil pe raaj
He Gunatit samaj ke, betaaj baadshah